Skip to main content

पोखरा लेखनाथ महानगरपालिका वडा नं. ३३ पूर्णखोप वडा घोषणा कार्यक्रम

पोखरा लेखनाथ महानगरपालिका  वडा नं. ३३  पूर्णखोप वडा घोषणा कार्यक्रम
भरतपोखरी, कास्कीः–  मिति २०७४।४।१८, 
भरतपोखरी स्वास्थ्य चौकी व्यवस्थापन समितिका अध्यक्ष तथा  पोखरा लेखनाथ महानगरपालिका  वडा नं. ३३ का वडा अध्यक्ष श्री शिव प्रसाद आचार्यको अध्यक्षतामा पोखरा लेखनाथ महानगरपालिका  वडा नं. ३३, भरतपोखरीलाई  पूर्णखोप सुनिश्चित वडा घोषणा गरिएको छ । पोखरा लेखनाथ महानगरपालिका नवनिर्वाचत मेयर श्री मान बहादुर जि.सी.को प्रमुख आतिथ्यता, जिल्ला जनस्वास्थ्य कार्यालय कास्कीका प्रमुख श्री दिनेश कुमार चापागाईको बिशेष आतिथ्यतामा सम्पन्न कार्यक्रममा पोखरा लेखनाथ महानगरपालिका वडा नं. ३३ का जनसमुदायको उल्लेखनीय उपस्थिति रहेको थियो । 








कार्यक्रममा पोखरा लेखनाथ महानगरपालिका का मेयर एवं कार्यक्रमका प्रमुख अतिथि मान बहादुर जि.सी.ले पूर्णखोप सुनिश्चिताको घोषणा सहित प्रतिवद्धता व्यक्त गराउदै पोखरा लेखनाथ महानगरपालिकालाई प्रविधि मैत्री महानगरपालिका बनाउने र खोप लगायत स्वास्थ्यका सम्पूर्ण सुचनाहरुलाई अनलाईन मार्फत अभिलेख प्रतिवेदन राख्न महानगरको योजना रहेको बताए । कार्यक्रमका बिशेष अतिथि प्रमुख जनस्वास्थ्य प्रशासक दिनेश कुमार चापागाईले पूर्णखोप घोषणा कार्यक्रमको अन्त नभई शुरुवात भएको र आगामी दिनमा यसको निरन्तरता गर्नुपर्ने कुरामा जोड दिए । पोखरा लेखनाथ महानगरपालिका का स्वास्थ्य संयोजक श्री हेमन्त शर्मा, पश्चिमांचल क्षेत्रीय स्वास्थ्य निर्देशनालयका जनस्वास्थ्य अधिकृत श्री रमेश बराकोटी,  राजनैतिक दलको तर्फबाट ने.क.पा. एमालेका गुरु प्रसाद क्रान्तिकारी, छिमेकी स्वास्थ्य संस्थाका तर्फबाट शिशुवा अस्पतालका जनस्वास्थ्य अधिकृत राजेन्द्र प्रसाद पौडेल, समाजसेवीको तर्फबाट यज्ञ प्रसाद अधिकारी, महिला स्वास्थ्य स्वयं सेविका डिल कुमारी काफ्लेले शुभकामना मन्तव्य राखेका थिए । 






कार्यक्रममा जिल्ला जनस्वास्थ्य कार्यालयका खोप अधिकृत एकनारायण लम्सालले पूर्णखोपको औचित्य, आवश्यकता र महत्व माथि प्रकाश पारेका थिए । सो कार्यक्रममा स्वास्थ्य चौकी प्रमुख गोकर्ण सापकोटाले पूर्णखोपको प्रतिवेदन प्रस्तुत गरेका थिए। कार्यक्रममा महिला स्वास्थ्य स्वयं सेविका र खोप कार्यमा संलग्न स्वास्थ्यकर्मीहरुलाई प्रशंसा पत्र प्रदान गरिएको थियो। बाजा गाजा र प्लेकार्ड प्रदर्शन सहित शुरु भएको कार्यक्रम घोषणा सभामा परिणत भएको थियो । नवनिर्वाचित वडा सदस्य दिपक लामिछानेको स्वागत तथा स्वास्थ्य चौकी प्रमुख गोकर्ण सापकोटाको संचालनमा सम्पन्न कार्यक्रममा महिला स्वास्थ्य स्वयं सेविकाहरुले पूर्णखोप सम्बन्धी गीत तथा विद्यार्थीहरुले नृत्य प्रस्तुत गरेका थिए । 

Popular posts from this blog

नेपाल जनस्वास्थ्य संघको चुनाव र आगामी समितिसँग एक जनस्वास्थ्यकर्मीको अपेक्षा

नेपाल जनस्वास्थ्य संघको चुनाव र आगामी समितिसँग एक जनस्वास्थ्यकर्मीको अपेक्षा 

सधैजस्तो चुनावी समयमा मात्र भाइरल हुने जनस्वास्थ्य संघको चर्चा यतिवेला पनि उत्कर्समा पुगेको छ, त्यसको राज हो यही असोज १३ गते केन्द्रिय कार्य समितिको चुनाव हुँदैछ । जनस्वास्थ्य पेशाकर्मिहरुको हकहित विकास र क्षमता अभिवृद्दि गर्दै नेपालको जनस्वास्थ्य क्षेत्रमा प्राविधिक नेतृत्व विकास गर्ने उदेश्यले खोलिएको नेपाल जनस्वास्थ्य संघ विधानत २८ वर्ष पुरा पुगेको छ । २७ औ वसन्त पार गरिसकेको यो संस्थाले पेशागत विकासमा गरेका कामहरुको सुची वनाउने हो भने २७ वटा पुर्‍याउन निकै मुस्किल पर्छ । अन्तरास्ट्रीय स्तरसम्म आफ्नो प्रभाव पुर्‍याईसक्नुपर्ने अवधीमा नेपाल भित्रै खोलिएका अन्य कान्छा पेशागत संघ संस्थाहरुसंग समेत तुलना गर्न सकिने अवस्थामा जनस्वास्थ्य संघ पुगेको छैन । जनस्वास्थ्य संघ किन पछाडी छ, किन सोचे अनुरुप अगाडी वढ्न सकेन भन्ने विषयमा वहस र समिक्षा भविश्यले गर्नेछ। देशको वदलिदो परिस्थिती अनुसार अव विकासका हरेक क्षेत्रहरु अगाडी वढी रहेको अवस्थामा हाल निर्वाचित हुने नेपाल जनस्वास्थ्य संघको नयाँ कार्यसमितिले जनस्वास्थ्य पे…

वच्चाहरुलाई भिटामिन 'ए' किन खुवाउने ?

 वच्चाहरुलाई भिटामिन 'ए' किन खुवाउने ?
नेपाल सरकारले विगत २४ वर्ष देखि निरन्तर रुपमा ६ देखि ५९ महिनाका वालवालिकाहरुलाई निशुल्क रुपमा भिटामिन ए क्याप्सुल खुवाउदै आइरहेको छ ।   सन् १९९३ वाट देशै भरि सुरु गरिएको यो कार्यक्रममा स्थानीय समुदायमा रहेका महिला स्वास्थ्य स्वयम् सेविकाहरुले आफ्ना टोल, वडा वरपर रहेका वालवालिकाहरुलाई भिटामिन ए क्यासुल खुवाउदै आईरहेका छन्  । त्यस्तै गरि १२ देखि ५९ महिनाका वालवालिकाहरुलाई सन् २००४ देखि देशभर नै भिटामिन ए क्याप्सुल संगसंगै जुकाको औषधि वितरण गर्ने कार्यक्रम संचालन हुदै आएको छ l रास्ट्रिय भिटामिन ए तथा जुकाको औषधि वितरण कार्यक्रम नेपाल सरकार, स्वास्थ्य मन्त्रालयको एउटा विश्वव्यापी रुप मै सफल कार्यक्रमको रुपमा स्थापित भईसकेको कार्यक्रम हो ।


वाल मिर्त्युदर घटाई वाल स्वास्थ्यमा उलेखनीय सुधार ल्याउने प्रमुख उदेश्यले सुरु गरिएको यो अभियान वर्षमा दुई पटक चल्ने गर्दछ  । विशेष परिस्थिति वाहेक हरेक वर्षको वैशाख ६ र ७ तथा कार्तिक २ र ३ गते नियमित कार्यक्रमको रुपमा चल्ने यो अभियान यस वर्ष भने कार्तिक १४ र १५ गते* देशभरका सबै महा/उप/नगरपालिका र गाँउपालिका…

स्वास्थ्य संरचना वारे सुझाव

स्वास्थ्य संरचना वारे सुझाव स्थानिय तह वलियो नभएसम्म समग्र स्वास्थ्य क्षेत्रको विकास र जनताले पाउने सेवाको प्रभावकारिता सुनिश्चित हुँदैन। स्थानिय तह भित्रै गएर कसरी वलियो वनाउन सकिन्छ भनेर वहस गर्नुपर्ने वेला भएको छ । मेरा सुझावहरु निम्न रहेका छन;  संवैधानिक व्यवस्था र कार्य विभाजन अनुरुप स्वास्थ्यको मोडेल तीन तह कार्यान्वयन गरिनुपर्ने । मन्त्री परिषदको मिति २०७४ वैशाख २१ गतेको निर्णय अनुरुप नेपाल स्वास्थ्य पूर्वाधार विकास मापदण्ड २०७४ लाई केहि परिमार्जन सहित अगाडि वढियो बह्ने स्वास्थ्य व्यवस्थापन र सेवा प्रवाहलाई थप सवल, प्रभावकारी र जनमुखी वनाउन सकिन्छ । हामी आजसम्म जिल्ला स्वास्थ्यको कन्सेप्ट वाहेक अन्य प्रणालीको कल्पना गर्न सकिरहेका छैनौ सर्वप्रथम यो ह्याङवाट टाढा रहेर सोचौ, जिल्ला भन्दा तल्लो तहमा झरेर संरचना वनाउने र हालसम्म गरिएको जिल्ला स्वास्थ्य प्राक्टिसलाई पालिका स्वास्थ्यमा समयको माग अनुसार रुपान्तरण गरेर नयाँ प्राक्टिस गरौ। हरेक गाँउपालिकाहरुमा गाँउपालिका स्वास्थ्य प्रणाली (Rural Municipality Health System), हरेक महा/उप/नगर/पालिका स्वास्थ्य प्रणालीहरु (Municipality Health …