Skip to main content

राष्ट्रिय परिवार नियोजन दिवस २०७४ सम्पन्न

राष्ट्रिय परिवार नियोजन दिवस सम्पन्न

पोखरा असोज २ २०७४ “व्यवस्थित परिवारः स्वास्थ्य र विकासको आधार” भन्ने मुल नाराका साथ चौथो राष्ट्रिय परिवार नियोजन दिवस एक कार्यक्रमका बीच सम्पन्न गरियो । जिल्ला जनस्वास्थ्य कार्यालय कास्की, परिवार नियोजनसंग संबन्धित विभिन्न संघ संस्थाहरु, पोखरा लेखनाथ महानगरपालिका र सरोकारवाला निकायहरुको संलग्नतामा पोखरा चिप्लेढुंगा स्थित मानव अधिकार चोकबाट शुरु भएको र्याली प.क्षे.अस्पतालको सभाहलमामा पुगी समारोहमा परिणत भएको थियो ।  उक्त कार्यक्रममा जिल्ला जनस्वास्थ्य कार्यालयका खोप अधिकृत एकनारायण लम्सालले परिवार नियोजनको बारेमा हाल भएका प्रगति र भावी योजनाका बारेमा प्रकास पार्नु भएको थियो । पोखरा लेखनाथ महानगरपालिकाका खोप अधिकृत राजु रमण न्यौपाने र परिवार नियोजन संघ कास्की शाखाका कोषाध्यक्ष रजनी के.सी.ले परिवार नियोजन कार्यक्रमलाई अझ प्रभावकारी ढंगले संचालन गर्नुपर्ने कुरामा जोड दिनु भएको थियो । कार्यक्रममा समुदाय स्तरमा रही स्वास्थ्य क्षेत्रमा उल्लेखनीय योगदान गरेवापत ११ जना महिला स्वास्थ्य स्वयं सेविकाहरुलाई नगद रु. १००००। र प्रसशा पत्र सहित सम्मान गरिएको थियो । जिल्ला जनस्वास्थ्य कार्यालयका निमित्त प्रमुख बोधराज सुवेदीको अध्यक्षता र जनस्वास्थ्य अधिकृत नानीबाबु ढकालको संचालनमा सम्पन्न कार्यक्रममा स्वागत शाखा अधिकृत कृष्ण प्रसाद बरालले गर्नु भएको थियो । परिवार नियोजन सेवा दिवस कै अवसरमा पोखरा स्थित मेघा कार्डियक सेन्टर, लेकसिटी अस्पताल, नमस्ते अस्पताल र ओम अस्पतालमा एक्क्ष्, जन्त्र र जनस्वास्थ्य कार्यालयको संयुक्त प्रयासमा लामो अवधिको परिवार नियोजनको साधन क्ष्ग्ऋम् र सुरक्षित गर्भपतन सेवाको शुभारम्भ गरिएको जनस्वास्थ्य कार्यालय हेल्थ फर लाईफका कार्यक्रम अधिकृत सगुन पौडेलले वताए । [caption id="attachment_754" align="alignnone" width="1024"]चौथो राष्ट्रिय परिवार नियोजन दिवस - २०७४ चौथो राष्ट्रिय परिवार नियोजन दिवस - २०७४[/caption] [caption id="attachment_771" align="alignnone" width="4160"] Hisilicon Balong[/caption]   [caption id="attachment_769" align="alignnone" width="4160"] पोखरामा भव्य रुपमा मनाईयो चौथो राष्ट्रिय परिवार नियोजन दिवस[/caption]

”व्यवस्थित परिवार : स्वास्थ्य र विकासको आधार” (राष्ट्रिय परिवार नियोजन दिवस: 18TH SEP 2017)

व्यवस्थित परिवार : स्वास्थ्य र विकासको आधार (राष्ट्रिय परिवार नियोजन दिवस: 18TH SEP 2015) थप पढ्नुहोस

Popular posts from this blog

नेपाल जनस्वास्थ्य संघको चुनाव र आगामी समितिसँग एक जनस्वास्थ्यकर्मीको अपेक्षा

नेपाल जनस्वास्थ्य संघको चुनाव र आगामी समितिसँग एक जनस्वास्थ्यकर्मीको अपेक्षा 

सधैजस्तो चुनावी समयमा मात्र भाइरल हुने जनस्वास्थ्य संघको चर्चा यतिवेला पनि उत्कर्समा पुगेको छ, त्यसको राज हो यही असोज १३ गते केन्द्रिय कार्य समितिको चुनाव हुँदैछ । जनस्वास्थ्य पेशाकर्मिहरुको हकहित विकास र क्षमता अभिवृद्दि गर्दै नेपालको जनस्वास्थ्य क्षेत्रमा प्राविधिक नेतृत्व विकास गर्ने उदेश्यले खोलिएको नेपाल जनस्वास्थ्य संघ विधानत २८ वर्ष पुरा पुगेको छ । २७ औ वसन्त पार गरिसकेको यो संस्थाले पेशागत विकासमा गरेका कामहरुको सुची वनाउने हो भने २७ वटा पुर्‍याउन निकै मुस्किल पर्छ । अन्तरास्ट्रीय स्तरसम्म आफ्नो प्रभाव पुर्‍याईसक्नुपर्ने अवधीमा नेपाल भित्रै खोलिएका अन्य कान्छा पेशागत संघ संस्थाहरुसंग समेत तुलना गर्न सकिने अवस्थामा जनस्वास्थ्य संघ पुगेको छैन । जनस्वास्थ्य संघ किन पछाडी छ, किन सोचे अनुरुप अगाडी वढ्न सकेन भन्ने विषयमा वहस र समिक्षा भविश्यले गर्नेछ। देशको वदलिदो परिस्थिती अनुसार अव विकासका हरेक क्षेत्रहरु अगाडी वढी रहेको अवस्थामा हाल निर्वाचित हुने नेपाल जनस्वास्थ्य संघको नयाँ कार्यसमितिले जनस्वास्थ्य पे…

वच्चाहरुलाई भिटामिन 'ए' किन खुवाउने ?

 वच्चाहरुलाई भिटामिन 'ए' किन खुवाउने ?
नेपाल सरकारले विगत २४ वर्ष देखि निरन्तर रुपमा ६ देखि ५९ महिनाका वालवालिकाहरुलाई निशुल्क रुपमा भिटामिन ए क्याप्सुल खुवाउदै आइरहेको छ ।   सन् १९९३ वाट देशै भरि सुरु गरिएको यो कार्यक्रममा स्थानीय समुदायमा रहेका महिला स्वास्थ्य स्वयम् सेविकाहरुले आफ्ना टोल, वडा वरपर रहेका वालवालिकाहरुलाई भिटामिन ए क्यासुल खुवाउदै आईरहेका छन्  । त्यस्तै गरि १२ देखि ५९ महिनाका वालवालिकाहरुलाई सन् २००४ देखि देशभर नै भिटामिन ए क्याप्सुल संगसंगै जुकाको औषधि वितरण गर्ने कार्यक्रम संचालन हुदै आएको छ l रास्ट्रिय भिटामिन ए तथा जुकाको औषधि वितरण कार्यक्रम नेपाल सरकार, स्वास्थ्य मन्त्रालयको एउटा विश्वव्यापी रुप मै सफल कार्यक्रमको रुपमा स्थापित भईसकेको कार्यक्रम हो ।


वाल मिर्त्युदर घटाई वाल स्वास्थ्यमा उलेखनीय सुधार ल्याउने प्रमुख उदेश्यले सुरु गरिएको यो अभियान वर्षमा दुई पटक चल्ने गर्दछ  । विशेष परिस्थिति वाहेक हरेक वर्षको वैशाख ६ र ७ तथा कार्तिक २ र ३ गते नियमित कार्यक्रमको रुपमा चल्ने यो अभियान यस वर्ष भने कार्तिक १४ र १५ गते* देशभरका सबै महा/उप/नगरपालिका र गाँउपालिका…

स्वास्थ्य संरचना वारे सुझाव

स्वास्थ्य संरचना वारे सुझाव स्थानिय तह वलियो नभएसम्म समग्र स्वास्थ्य क्षेत्रको विकास र जनताले पाउने सेवाको प्रभावकारिता सुनिश्चित हुँदैन। स्थानिय तह भित्रै गएर कसरी वलियो वनाउन सकिन्छ भनेर वहस गर्नुपर्ने वेला भएको छ । मेरा सुझावहरु निम्न रहेका छन;  संवैधानिक व्यवस्था र कार्य विभाजन अनुरुप स्वास्थ्यको मोडेल तीन तह कार्यान्वयन गरिनुपर्ने । मन्त्री परिषदको मिति २०७४ वैशाख २१ गतेको निर्णय अनुरुप नेपाल स्वास्थ्य पूर्वाधार विकास मापदण्ड २०७४ लाई केहि परिमार्जन सहित अगाडि वढियो बह्ने स्वास्थ्य व्यवस्थापन र सेवा प्रवाहलाई थप सवल, प्रभावकारी र जनमुखी वनाउन सकिन्छ । हामी आजसम्म जिल्ला स्वास्थ्यको कन्सेप्ट वाहेक अन्य प्रणालीको कल्पना गर्न सकिरहेका छैनौ सर्वप्रथम यो ह्याङवाट टाढा रहेर सोचौ, जिल्ला भन्दा तल्लो तहमा झरेर संरचना वनाउने र हालसम्म गरिएको जिल्ला स्वास्थ्य प्राक्टिसलाई पालिका स्वास्थ्यमा समयको माग अनुसार रुपान्तरण गरेर नयाँ प्राक्टिस गरौ। हरेक गाँउपालिकाहरुमा गाँउपालिका स्वास्थ्य प्रणाली (Rural Municipality Health System), हरेक महा/उप/नगर/पालिका स्वास्थ्य प्रणालीहरु (Municipality Health …