Skip to main content

संघीय संरचनामा स्वास्थ्यको व्यवस्थापन नमिलेको भन्दै सरकारको ध्यानाकर्षण

संघीय संरचनामा स्वास्थ्यको व्यवस्थापन नमिलेको भन्दै सरकारको ध्यानाकर्षण
स्वास्थ्य सम्बद्ध १६ वटा पेशागत तथा ट्रेड युनियनले संघीय संरचनामा केन्द्र देखि स्थानीय तहसम्म स्वास्थ्यको छुट्टै स्वास्थ्य मन्त्रालय तथा महाशाखा हुनुपर्ने माग गरेका छन् । उनीहरुले ती मन्त्रालय तथा महाशाखाको नेतृत्व स्वास्थ्य समूहबाटै हुनुपर्नेमा सरकारको ध्यानाकर्षण गराएका छन् ।
स्वास्थ्य सम्वद्ध ती संगठनहरुको आज राजधानीमा बसेको बृहत भेलाले संविधानको मर्म र कार्य विस्तृतिकरणको मर्म अनुसार स्वास्थ्य क्षेत्रको पुर्नसंरचना गर्न बनेको आयोगलाई बुझाई सकेको र मन्त्रिपरिषदको गत २१ बैशाखमा बसेको बैठकले समेत अनुमोदन गरिसकेको भन्दै पछिल्लो निर्णय आफूहरुलाई अमान्य हुने बताएका छन् । बृहत भेलाले गरेको निर्णय आजै स्वास्थ्य मन्त्री दीपक बोहरा र स्वास्थ्य सचिव डा पुष्पा चौधरीलाई बुझाई सकेका छन् ।
स्वास्थ्यकर्मीहरुको बृहत भेलाले प्रदेशमा स्वास्थ्य मन्त्रालय, महानगरमा महानगर स्वास्थ्य महाशाखा, उप महानगरमा उपमहानगर स्वास्थ्य महाशाखा र नगरपालिका गाउँ पालिकामा स्वास्थ्य शाखा रहनुपर्ने निर्णय गरेको छ । त्यसैगरी सबै तहमा स्वास्थ्यको नेतृत्व तथा व्यवस्थापन स्वास्थ्यकर्मीहरु( प्राविधिक)बाटै हुनुपर्ने, संघीय संचरना अनुसार प्रदेशको स्वास्थ्य मन्त्रालयमा ११ १२ औँ तह, महानगर तथा उपमहानगरमा नवौँ तथा दशौँ तह, नगरपालिका तथा गाँउपालिकामा ७ ८ तहका र सबै प्रदेशस्तरमा स्वास्थ्यका सवै विभागहरु, केन्द्रहरु तथा महाशाखाको व्यवस्था हुनुपर्ने उल्लेख छ ।
ज्ञापनपत्र बुझाउनेहरुमा नेपाल जनस्वास्थ्य संघ, मेडिकल ल्यावरेटरी एशोसिएसन अफ नेपाल, नेपाल आयुर्वेद चिकित्सक संघ, नेपाल आयुर्वेद स्वास्थ्यकर्मी समाज, नेपाल नर्सिङ संघ, हेल्थ असिस्टेन्ट संघ नेपाल, नेपाल स्वास्थ्य प्राविधिक संघ रहेका छन् । यसैगरी जनस्वास्थ्य यूवा समाज नेपाल, नेपाल स्वास्थ्यकर्मी संघ, नेपाल स्वास्थ्यकर्मी युनियन, राष्ट्रिय स्वास्थ्यकर्मी संघ नेपाल, स्वास्थ्यकर्मी यूनियन नेपाल, मधेसी स्वास्थ्यकर्मी फोरम नेपाल, अखिल नेपाल प्रगतिशील स्वास्थ्यकर्मी संगठन र नेपाल राष्ट्रिय स्वास्थ्यकर्मी संगठन रहेका छन् ।
समाचार नेपाली हेल्थवाट 




Popular posts from this blog

नेपाल जनस्वास्थ्य संघको चुनाव र आगामी समितिसँग एक जनस्वास्थ्यकर्मीको अपेक्षा

नेपाल जनस्वास्थ्य संघको चुनाव र आगामी समितिसँग एक जनस्वास्थ्यकर्मीको अपेक्षा 

सधैजस्तो चुनावी समयमा मात्र भाइरल हुने जनस्वास्थ्य संघको चर्चा यतिवेला पनि उत्कर्समा पुगेको छ, त्यसको राज हो यही असोज १३ गते केन्द्रिय कार्य समितिको चुनाव हुँदैछ । जनस्वास्थ्य पेशाकर्मिहरुको हकहित विकास र क्षमता अभिवृद्दि गर्दै नेपालको जनस्वास्थ्य क्षेत्रमा प्राविधिक नेतृत्व विकास गर्ने उदेश्यले खोलिएको नेपाल जनस्वास्थ्य संघ विधानत २८ वर्ष पुरा पुगेको छ । २७ औ वसन्त पार गरिसकेको यो संस्थाले पेशागत विकासमा गरेका कामहरुको सुची वनाउने हो भने २७ वटा पुर्‍याउन निकै मुस्किल पर्छ । अन्तरास्ट्रीय स्तरसम्म आफ्नो प्रभाव पुर्‍याईसक्नुपर्ने अवधीमा नेपाल भित्रै खोलिएका अन्य कान्छा पेशागत संघ संस्थाहरुसंग समेत तुलना गर्न सकिने अवस्थामा जनस्वास्थ्य संघ पुगेको छैन । जनस्वास्थ्य संघ किन पछाडी छ, किन सोचे अनुरुप अगाडी वढ्न सकेन भन्ने विषयमा वहस र समिक्षा भविश्यले गर्नेछ। देशको वदलिदो परिस्थिती अनुसार अव विकासका हरेक क्षेत्रहरु अगाडी वढी रहेको अवस्थामा हाल निर्वाचित हुने नेपाल जनस्वास्थ्य संघको नयाँ कार्यसमितिले जनस्वास्थ्य पे…

वच्चाहरुलाई भिटामिन 'ए' किन खुवाउने ?

 वच्चाहरुलाई भिटामिन 'ए' किन खुवाउने ?
नेपाल सरकारले विगत २४ वर्ष देखि निरन्तर रुपमा ६ देखि ५९ महिनाका वालवालिकाहरुलाई निशुल्क रुपमा भिटामिन ए क्याप्सुल खुवाउदै आइरहेको छ ।   सन् १९९३ वाट देशै भरि सुरु गरिएको यो कार्यक्रममा स्थानीय समुदायमा रहेका महिला स्वास्थ्य स्वयम् सेविकाहरुले आफ्ना टोल, वडा वरपर रहेका वालवालिकाहरुलाई भिटामिन ए क्यासुल खुवाउदै आईरहेका छन्  । त्यस्तै गरि १२ देखि ५९ महिनाका वालवालिकाहरुलाई सन् २००४ देखि देशभर नै भिटामिन ए क्याप्सुल संगसंगै जुकाको औषधि वितरण गर्ने कार्यक्रम संचालन हुदै आएको छ l रास्ट्रिय भिटामिन ए तथा जुकाको औषधि वितरण कार्यक्रम नेपाल सरकार, स्वास्थ्य मन्त्रालयको एउटा विश्वव्यापी रुप मै सफल कार्यक्रमको रुपमा स्थापित भईसकेको कार्यक्रम हो ।


वाल मिर्त्युदर घटाई वाल स्वास्थ्यमा उलेखनीय सुधार ल्याउने प्रमुख उदेश्यले सुरु गरिएको यो अभियान वर्षमा दुई पटक चल्ने गर्दछ  । विशेष परिस्थिति वाहेक हरेक वर्षको वैशाख ६ र ७ तथा कार्तिक २ र ३ गते नियमित कार्यक्रमको रुपमा चल्ने यो अभियान यस वर्ष भने कार्तिक १४ र १५ गते* देशभरका सबै महा/उप/नगरपालिका र गाँउपालिका…

स्वास्थ्य संरचना वारे सुझाव

स्वास्थ्य संरचना वारे सुझाव स्थानिय तह वलियो नभएसम्म समग्र स्वास्थ्य क्षेत्रको विकास र जनताले पाउने सेवाको प्रभावकारिता सुनिश्चित हुँदैन। स्थानिय तह भित्रै गएर कसरी वलियो वनाउन सकिन्छ भनेर वहस गर्नुपर्ने वेला भएको छ । मेरा सुझावहरु निम्न रहेका छन;  संवैधानिक व्यवस्था र कार्य विभाजन अनुरुप स्वास्थ्यको मोडेल तीन तह कार्यान्वयन गरिनुपर्ने । मन्त्री परिषदको मिति २०७४ वैशाख २१ गतेको निर्णय अनुरुप नेपाल स्वास्थ्य पूर्वाधार विकास मापदण्ड २०७४ लाई केहि परिमार्जन सहित अगाडि वढियो बह्ने स्वास्थ्य व्यवस्थापन र सेवा प्रवाहलाई थप सवल, प्रभावकारी र जनमुखी वनाउन सकिन्छ । हामी आजसम्म जिल्ला स्वास्थ्यको कन्सेप्ट वाहेक अन्य प्रणालीको कल्पना गर्न सकिरहेका छैनौ सर्वप्रथम यो ह्याङवाट टाढा रहेर सोचौ, जिल्ला भन्दा तल्लो तहमा झरेर संरचना वनाउने र हालसम्म गरिएको जिल्ला स्वास्थ्य प्राक्टिसलाई पालिका स्वास्थ्यमा समयको माग अनुसार रुपान्तरण गरेर नयाँ प्राक्टिस गरौ। हरेक गाँउपालिकाहरुमा गाँउपालिका स्वास्थ्य प्रणाली (Rural Municipality Health System), हरेक महा/उप/नगर/पालिका स्वास्थ्य प्रणालीहरु (Municipality Health …